Gabi na silang nakarating sa mansyon ni Manong Berto na bum’yahe ng Ilocos para may kahalili siyang mag drive. Pagdating nila'y nakasalubong nila si Marga na palabas ng pinto kasama ang yaya nito. May mga dala itong notebook na malamang nagpaturo sa kapatid niyang si Zanya.
"Hi, crush! Buti na lang nandito ka na. Na-miss kita ah."
Tumawa siya at ginulo ang buhok nito na ikinainis naman ni Marga.
"Gabi na ba't ngayon lang kayo pauwi. Ipapahatid ko kayo kay Manong Berto."
"No need, malapit lang naman ang bahay," pagtanggi nito. "Pero kung ikaw ang maghahatid papayag ako." Lumabi pa ito saka nagpakawala ng matamis na ngiti.
"Okay, come with me. Ihahatid ko kayo." Binuksan niyang muli ang passenger's seat at sumakay agad ang dalagita. Kung tutuusin ay dalawang block lang ang pagitan ng mg
