ISANG TANOD ang kumatok sa bintana ng kotse. Agad binaba ni Lawrence ang bintana ng sasakyan upang malaman ang pakay nito. Nang ganap na mabuksan ang bintana ng kotse ay kinausap si Lawrence ng tanod.
""Mayor, tumawag si Mr. Monteverde ng truck. Susubukang tawirin ng truck ang sapa at kapag kayaning makatawid ay pwede kayong sumakay roon para makauwi. Iwan na lang muna rito ang sasakyan sa kalsada pati ang motorsiklo ng anak ni Mr. Monteverde,"" mahabang sinabi ng tanod.
""Teka!"" ani Lawrence. ""Tara, Alexandra! Tingnan natin.""
Mabilis na lumabas ng sasakyan sina Alexandra at Lawrence. Kaagad nilang nakita na may patawid na truck sa sapa. Medyo mataas pa man ang lebel ng tubig-baha at kung motorsiklo o kotse ang tatawid ay hindi talaga kakayanin. Pero kung itong truck na may malalakin
