CARMELA
It’s been two years but the pain is still in my heart. Nasa puso ko pa rin ang sakit at galit. Wala akong choice kundi bumalik. Pinilit ko na labanan ang postpartum depression ko. Pinilit ko na maging malakas at umahon sa lahat ng mga pinagdaanan ko sa loob ng dalawang taon. Kahit na sobrang sakit na mawalan ako ng kaibigan.
At ngayon ay babalik na ako para makasama ko ang anak ko. Hindi ko alam ang mangyayari sa amin ni Oliver pero isa lang ang alam ko. Babalik ako para sa anak ko, dahil ayaw ko ng tingnan na lang siya mula sa malayo. Takot man ako na makita niya ang mukha ko ay susubukan ko pa rin.
“Diyos ko po, anong nangyari sa ‘yo?” umiiyak na tanong sa akin ni manang dahil nagpakita ako sa kanila ni papa.
“Okay lang po ako, manang. Gusto ko na po makasama ang anak ko.”
