“Masarap ba?” nakangiting tanong ko sa kaniya.
Napatango naman ito nang sunod-sunod. At walang tigil ito sa pagdila sa ice cream. Tuwang-tuwa naman akong pagmasdan ito.
Para talaga itong bata kung umasta. Takam na takam ito sa kaniyang kinakain at sobrang ganado. Animo’y batang paslit na sabik na sabik sa pasalubong ng kaniyang magulang.
“Bakit hindi ka kumakain? Gusto mo?” pagyaya pa nito. Natawa naman ako sa itsura nito. Punong-puno ng dungis ang ibabang labi nito.
Napailing naman ako agad at mabilis naman itong nagpatuloy sa pagkain niya. Napaka-cute naman niyang tingnan lalo na kung ganito ang kaniyang awra. Para lamang siyang normal na bata.
“Ang sarap-sarap naman nito! Bilhan mo ‘ko ulit ng ganito ha?” nakanguso pang ani nito na nagpasilay ng ngiti sa labi ko.
Mabilis naman
