Napakalalim nang boses niya, nagulat ako sapagkat ibang-iba ito at pawang lalaking-lalaki na ang boses ni Dievor, kumpara sa boses nito na pang bata at ang tindig nito ay tila nagbago sapagkat napakatuwid na nito at ang reaksyon nang mukha niya ay talagang may kakaibang epekto sa akin.
‘Di ko mawari kung bakit kumabog nang husto ang dibdib ko at nakaramdam ako nang kaba sa paraan ng titig nito.
“Ano bang sasabihin mo? Mayroon akong kailangang tapusin---”
“Hindi ka niya puwedeng makitang may kasamang iba! Hindi ka niya maaaring makita na may nag-aaligid at nagkakagusto sa’yo. Pagmamay-ari ka na niya Luna, kaya’t mag-iingat ka sa mga galaw mo,” may pagbabantang turan nito.
Tila nagsalubong naman ang kilay ko sa mga pinagsasabi nito. Anong ibig niyang sabihin? Ibubuka ko na sana ang bibi
