Hindi naman ako makatutok sa aking ginagawa dahil sa diretsong titig nito sa ‘kin.
“Ano ba? Wala ka na bang ibang gagawin kun’di ang tumingin sa akin?” tanong ko sa kan’ya at bakas sa tono ng boses ko ang matinding pagkairita.
“Wala na,” mabilis namang tugon niya at talagang mas tumitig pa ito at ‘di man lang nito nilihis ang tingin niya.
Hindi na lamang ako nagsalita o kumibo. At pinilit ko na lamang na ilayo ang atensyon ko sa kaniya.
Ngunit hindi ko nakayanan sapagkat nakakawala ng pokus ang ginagawa nitong pagtitig sa akin.
“Bakit ganiyan ka makatingin? Pumunta ka lang ba talaga rito para gambalain at istorbohin ako? Puwes tigilan mo na iyan dahil marami pa akong paintings na kailangang habulin,” pagtataray ko sa kaniya at tinaasan ko pa ito nang kilay.
Gustong-gusto ko itong s
