Napatitig si Luna kay Dallas na pawang prente lamang na nagmamaneho.
At hindi man lang niya ito makitaan na kinakabahan ito o 'di kaya ay nakikitaan niya nang pagkabahala dahil sasabak sila ngayon sa labanan.
Pawang kalmado lang kasi ito at hindi man lang nakakaramdam ng takot.
Napailing-iling na lamang si Luna sa nakita niyang galaw at kilos ni Dallas.
Sa isipan niya ay 'di na siya nagulat sapagkat alam naman niyang sanay na sanay ito sa pakikipagpatayan.
''Puwede ba kung tititig ka sa akin huwag ka naman masyadong magpahuli? Halatang-halata na kasi na halos ayaw mo nang ikurap ang mata mo makatingin lang sa akin,'' nakapangising saad ni Dallas.
Bigla namang napalaki ang mata ni Luna nang marinig ang salitang iyon ni Dallas at halos makaramdam siya nang inis dahil sa tono rin ng pa
