EPISODE 56
RACHEL’S POINT OF VIEW.
Mabilis akong tumakbo palabas habang nanghihina pa si Jennifer doon sa loob. Nang makalabas ako sa bahay ay nakita ko kaagad ang malalaking puno sa paligid. Napatingin ako sa likuran at humanap ng daanan pero wala akong nakita. Mukhang sa isang kagubatan nga ako dinala ni Jennifer. Gumagabi na rin ngayon dahil wala na akong nakikita na araw at madilim na rin ang paligid dahil sa mga malalaking puno.
“RACHEL!”
Muli akong napalingon sa may bahay nang marinig ang malakas na pag sigaw ni Jennifer. Nagsimula na akong tumakbo kahit hindi ko alam kung tama ba ang direksyon na tinakbuhan ko, ang nasa aking utak lang ngayon ay mapalayo ako kay Jennifer at makahanap ako ng kalapit na bahay upang doon makapag tago at humiram ng phone para matawagan ko ang asawa
