Pagkatapos umalis ni Kai ay naiwan nanaman akong mag-isa sa quarters. Pinasadahan ko ng tingin ang aking mga litratong nakapagkit sa pader at nang hindi na napigilan ay dumako ang aking tingin sa katapat kong lamesa.
Tsokolate. Bulaklak. Prutas. At kung anu-ano pa. Anong gagawin ko riyan?
Kinagat ko ang labi at iniwas ang tingin. Ako ay bumuntong-hininga saka nilaro ang kwintas. Nakatulog ako sa katre. Nang magising ay nakababad na ang isa kong paa sa malamig na tubig.
“Pahingi ako, Rina?” Nangangalahati na ang piraso ng tsokolate sa bibig ni Amaris.
Si Ava ay nasa banggerahang may kung anu-anong ginagawa. Ginalaw-galaw ko ang paa sa tubig saka pinagmasdan ang mga bulaklak at pagkain sa lamesa.
“Bakit...” Napanguso ako. “Kinakain mo naman na, Amaris.”
“Ha?” Tumigil
