“Rina, hija? Halikana’t makakain na ng almusal.” tawag sa akin ni Nanay Merida mula sa kusina.
Nilingon ko naman ito saglit. “S-Sige ho, Nanay! Susunod na ho!”
Matapos sumagot kay Nanay, binalik ko ang tingin sa hawak ng dalawang kamay. Para sa akin, bumabagay ang pagkapula ng tatlong rosas na ito sa kutis ng aking kamay. Mukhang kapipitas pa lamang nito at winisikan ng tubig pagkatapos kaya kahit anong lamat ay wala.
Nilingon ko ulit ang kusina mula sa aking kwarto. Kinagat ko ang labi atsaka tumayo na. Binuksan ko ang maliit na basyong lalagyanan ng kalat at hinulog roon ang tatlong pulang-pula at magagandang rosas.
Sinabayan ko na si Nanay Merida sa pagkain ng almusal at tinulungan magbaon ng pagkain para mamayang tanghalian. Matapos, gumayak na para sa trabaho.
“Rin
