Abot-abot ang kaba at excitement ni Reynold habang papasok sila sa bahay nila Renza sa Tagaytay. Isang buwan mahigit niya din itong hindi nakikita. Pagkapasok sa loob, sinalubong sila ng isang middle-aged na babae. Tita daw ito ng Tita Annie niya. Pagkatapos ay tinawag nito ang Tita Annie niya at ipinaalam na dumating na sila.
"Friend, kumusta ka na?" bungad ng mommy Carina niya nang makitang papunta sa kinaroroonan nila sa sala ang Tita Annie niya. Niyakap ito ng mommy niya.
"Pasalubong namin para sa inyong mag-ina," wika naman ng daddy niya sabay abot ng pasalubong kay Annie.
"Salamat at dinalaw niyo kami dito. Heto, sinisikap na bumangon," wika ni Annie na halatang pilit ang ngiti.
"Hi po, Tita," si Reynold naman ang bumati. Ngiti lang ang tugon ng Tita Annie niya, sabay haplos nit
