Ysabella
"Ate, ano pong oras ninyo kami susunduin?" tanong ni Isaac pagsagot ko sa tawag nito at napatingin ako sa orasan.
Ipapasyal namin ni Matthew ang dalawang bata ngayon. Nagulat ako nang sabihin sa akin ni Matthew na napagkasunduan ng tatlo na pumunta sa isang Amusement Park. Matagal na pala nag-uusap ang mga ito ng hindi ko alam at kahapon lang pinakita ni Matthew sa akin ang group chat ng tatlo. Binasa ko ang mga pinag-usapan ng mga ito at napangiti ako. Nagsimula iyon pagkatapos ng birthday ni Isaac. Nag-message kasi si Isaac kay Matthew para magpasalamat sa regalo nito at nagulat si Matthew ng gumawa ito ng group chat kung saan silang tatlo ang magkakasama. Natutuwa naman daw si Matthew dahil malambing at mababait ang mga ito sa kanya. Masaya ako dahil kasundo ni Matthew ang
