"Nagkausap na ba kayo ni Winston?"
Natigil sa pagsakay si Mellie sa kotse dahil sa narinig. Paglingon niya ay nagtiim ang bagang niya nang makita si Margaux na nakasandal sa pader. Hindi niya ito napansin dahil nagmamadali siya. Tinanghali kasi siya ng gising at malapit nang ma-late sa trabaho. Magmula nang malamang buntis ay hindi na siya umiinom ng sleeping pills. Dahil doon ay hindi siya makatulog at tinatanghali ng gising.
Ilang araw siya nitong iniwasan kaya hindi niya makompronta. Hindi rin nito sinasagot ang mga texts at tawag niya. Ngayon lang ito nagkaroon ng lakas ng loob para harapin siya. Makikita nito!
"Sa wakas. Lumabas ka rin sa lungga mo." nagtitimping sagot ni Mellie at padarag na isinara ang pinto ng kotse.
"Whoa. Ang tapang mo talagang magbuntis. Why don't you thank
