Chapter 61
Elena
Habang tinitingnan ko ang mga gamot na iinumin ng girlfriend ng gagong si Rafael, napansin ko na panay naman ang tingin ni Rafael sa akin.
Minsan nahuli ko pa siya na tinititigan ako. Nakaupo sila sa couch ng girlfriend niya habang nanonood ng tv.
“Ano oras ka aalis?” tanong ng babae kay Rafael.
“Maya-maya. Basta ang bilin ko sa’yo huwag mong kalimutan. Bukas babalik ako rito,” sabi ng bugok na Rafael, sa girlfriend niya na bago.
“Salamat, Rafael sa tulong mo. Mabuti nga at dito mo ako dinala,” pasalamat pa sa kanya ng babae, subalit nakikita ko ang mga mata ni Rafael na nakatitig sa akin. Kahit na hindi ako nakatingin sa kanya nakikita iyon ng gilid ng aking mga mata.
“It's okay, no problem. Basta para sa ikabubuti ninyo ng magiging anak natin,” sabi ng bugok sa ba
