Nasa second floor si Jade, paniguradong sa kuwarto nito sa café ito magpapalipas ng gabi. Hindi na umorder si Shayne at pasimple nang pumunta sa parking lot. Hindi nga siya nagkakamali na naroon ang sasakyan ni Miggy.
Pagtayo niya pa lang sa sasakyan kusa na nito iyong binuksan kaya nakapasok siya. Hindi ito umiimik at pinatakbo na ang sasakyan. Awkward ang katahimikan.
“Kumain ka na ba?” tanong ni Shayne nang hindi na matiis ang katahimikan. Alam niyang alam na nito ang tungkol sa pagsama niya kay Jade, at baka nga nakita pa nito no’ng magkayakap sila. “Gusto mo bang dumaan tayo sa bilihan para makapag-take out?”
“Ikaw kumain ka na ba?”
Nabigla pa si Shayne nang magsalita ito. Halatang iwas ito. Hindi ito ang usual nito na madaldal at palatawa.
“Kumain naman ako.”
“Kung gusto mo pa
