Ngiti nang ngiti si Miggy, paano sanay siyang ‘di nagrereply si Shayne. Pero mukhang may anghel na sumanib kay Shayne at reply naman ito nang reply tuwing may free time ito. Gusto niyang tawagan ito pero alam niyang abala ito sa trabaho, kahit pa ang breaktime nito hindi niya gustong abalahin.
“Babe, I miss you.”
“Paulit-ulit, Miggy?”
Nangiti siya lalo. Paano siyang maiinip sa pila para maging waiter kung hindi niya na napapansin ang oras?
Kailangan niya raw dumaan sa interview, pero si Rion na ang bahala sa pagpili sa kanya. Mukhang malaki ang impluwensiya ng Alpha na kinakasama nito ng lihim. Bukod sa kailangan niya ng trabaho at mas mabilis na pera, curious rin siya sa paggaganapan ng party dahil sa kung anong dahilan para iyong illegal, pero nagagawang legal sa matataas na Alpha.
