Miggy
Pinagmamasdan ko lang si Shayne sa ginagawa niya habang namimili. Pakiramdam ko talaga mag-asawa kami na bago lang bubuo ng pamilya. Tingin ko naman normal ako na ganito ang iniisip. Iba talaga ang tama ko sa kanya. Kahit pa nga irapan niya ako nang irapan tuwing magku-krus ang paningin namin.
“Sa labas na tayo kumain para hindi ka na magluto.” Suhestiyon ko sa kanya nang nakapila na kami sa cashier.
“Mas malaki pa magagastos mo ro’n.”
“Minsan lang naman, kahit mas gusto ko ang niluluto mo.”
Tiningnan niya ako, “May trabaho ka na ba?”
Umiling ako at ngumiti, “Pero may ipon—”
“Wala naman pala. Maghihintay ka lang saglit at makakakain ka na rin.”
Ang sungit talaga niya, pero sa lahat nang nagsusungit sa kanya pa rin talaga akong wiling-wili.
“Mas marami tayong n
