Kabanata 34
Sinubukang atakihin ni Peter ang mga sumusunod sa kanila gamit ang kaniyang itim na usok. Gaya ng payo ni Cylinder ay hindi niya hinawakan ang mga ito at hinayaan lang ang usok niya. Walang nangyari sa usok niya at hindi rin nawala ang kapangyarihan niya, pero wala ring nangyari sa mga ito nang dumikit sa kanila ang usok.
“Nullifiers,” bulong ni Peter na ikinangisi ng lalaki.
Sinubukan niya ulit na sugurin sila gamit ang itim na usok, sa pagkakataong ito ay mas malakas. Ngunit mayamaya lang ay may dumikit na isa pang kabayo sa lalaki na may lulan ding isa pang nullifier. Naningkit ang mga mata ni Peter sa ginawa ng lalaki.
Pasimple niyang pinagmamasdan ang kaniyang usok habang naglalakbay sa nullifiers. Miski ang kabayong sinasakyan nila ay hindi naaapektuhan ng kaniyang k
