Kabanata 47
Lumagutok ang bawat buto ni Major nang magsimula siyang magpalit-anyo. Pinanood nilang lahat ang ginagawa nito. Ang ilan sa mga ito ay hindi mapigilang mamangha habang pinagmamasdan siya lalo nan ang makita na nila nang tuluyan ang mabalahibo nitong katawan. Isa itong kulay itim na lobo. Kasing-itim ng kadiliman. Ang mata nitong nakatitig sa kanila ay kulay silver, kumikinang sa pagtama ng ilaw ng buwan.
Hindi nga lang iyon pagkamangha ang nararamdaman ni Sphere. Halos mapangiwi lang siya sa ginawa nito dahil pakiramdam niya ay mga buto niya ang naglalagutukang ‘yon. Pakiramdam niya ay sumakit lahat ng buto niya sa katawan.
Muli siya nitong inangilan, tila inaasar siya. Para bang nakararamdam siya ng saya sa tuwing naaasar ang dalaga sa ginagawa niyang pang-aasar. Mas lalo n
