Kabanata 46
Simangot na simangot si Sphere habang nakatayo sa gitna ng puting bilog na hinanda nina Peter. Katabi naman niya ay gaya niyang lukot din ang mukha na si Major. Ayaw man na maging kasangga ang isa’t isa ay wala naman silang pagpipilian.
“Huwag kang haharang sa daan ko, Mortal,” ani Major nang hindi inaalis ang tingin sa dalawang kalalabanin nila. “Kaya ko ‘tong tapusin nang walang tulong mo. Sa oras na humarang ka ay hindi ako magdadalawang isip na saktan ka.”
Napasinghal si Sphere. Nilakasan niya talaga para dinig na dinig nito ang pagkasuklam niya sa kaniya. “Ako dapat ang magsabi niyan. Baka nga maging pabigat ka lang sa magiging laban.”
Hindi na nakayanan pa ni Major ang mapaangil sa gawi niya bago siya sinamaan ng tingin. “Baka kainin mo ‘yang sinasabi mo kapag may nan
