Kabanata Apatnapu’t Isa
Hinatid ni Marcus si Victoria sa bahay nito. Ibinaba lamang niya ito at sinigurong nakapasok na ito sa loob ng bahay bago siya umalis. Hindi rin naman na kasi siya nagtagal dahil ayaw naman niyang mailang ito sa kanya. Tumawag na lamang siya rito pagkauwi niya sa bahay.
"Hello?" sagot ng nasa kabilang linya.
"Good evening, this is Marcus. Pwede po ba kay Victoria?" sabi niya. Sa landline lamang kasi siya tumawag dahil hanggang ngayon ay hindi pa rin niya alam ang bagong cellphone number nito.
"Sandali lang, Hijo. Iaabot ko sa kanya. Nasa kusina pa kasi siya, sakto kakatapos lang nilang kumain," tugon naman ni Manang sa kanya.
"Maraming salamat ho," sagot niya rin naman. Ilang segundo lang ay narinig na niya ang boses ni Victoria.
"Sino daw po, Manang?" rinig
