Kabanata Tatlumpu’t Pito
Lumipas ang halos dalawang linggo. Nasa probinsya pa rin sina Marcus at Victoria. Noong isang linggo ay umalis muli sila Caloy at Buknoy para lumuwas papunta sa Maynila kaya naiwan silang muli. Umalis si Marcus noong umaga para mamili ng ibang kailangan nila. Gusto sana niyang sumama pero hindi ito pumayag dahil ayon dito ay mainit masyado sa palengke at maraming tao. Ipinangako naman nitong babalik din ito kaagad at bibilhan siya ng pasalubong na ice cream. Kaya kahit paano ay napapayag na rin siya.
Nang may narinig siyang tunog ng kotse ay inakala niyang si Marcus iyon. Dali-dali pa siyang lumabas para salubungin ito ngunit ibang sasakyan ang bumungad sa kanya. Ibang lalaki rin ang bumaba mula roon.
"Clint?" tanong niya nang makita kung sino ang bumaba muna s
