Kabanata Tatlumpu’t Walo
Kinaumagahan, namalayan na lamang ni Victoria na umaga na pala. Nagising siya na nakahiga na siya sa isang kama. Hindi siya pamilyar sa kwarto kung nasaan siya. Bumangon siya kaagad para magtungo sa pinto. Ngunit pagpihit niya sa pinto, nagulat siya na nakalock pala ito mula sa labas. Kinatok katok niya 'yon at ilang beses na tinawag si Clint. Si Clint lang naman ang kasama niya mula pa kahapon. Kaya alam niyang ito rin ang nagdala sa kanya kung nasaan man siya ngayon at ito rin ang naglock sa kanya rito.
"Clint? Buksan mo ang pinto!" sigaw niya.
Hindi rin naman nagtagal ay narinig niyang may mga yabag na papalapit sa kanya. Binubuksan nito ang pinto, pagbukas ay nakita niya si Clint na may dalang pagkain para sa kanya.
"Bakit mo ako kinandado dito sa kwarto?
