Sa labas, mistulang kahon ng ginto ang building. Sa loob naman, halos ganoon din ang mga muwebles at sahig. Kumikinang ang bawat sulok, mula sa dingding hanggang sa matatayog na pundasyon nito. Sa bawat kanto ay naroon ang magagarang chandelier na sumasalamin sa kulay ng buong lugar.
Sa bawat sulok din, may mga usherette na nakangiti habang inaasikaso ang bawat bisita. Nakauniporme sila ng magagarang damit, umaasang ngingitian din sila ng mga guests. Ngunit walang balak si Kaisha na ngumiti. Wala siyang oras para mag-abala sa ganoong bagay.
Pumasok sila ni Xero sa ginintuang elevator, kasabay ang isang usher na naggiya sa kanila patungo sa rooftop, kung saan naroon ang isa sa mga restaurant ng hotel.
Pagdating nila, pinaupo sila sa isang hiwalay na lamesa, malapit sa tanawin ng buong si
