"HELLO?" ulit ni Kaisha nang walang sumagot sa kabilang linya.
Si Gwen ito, ngunit hindi siya sumasagot. Tanging mga malalim na hikbi at singhot lang ang naririnig niya mula sa kabilang linya. Kinabahan agad si Kaisha.
Matagal na niyang kilala si Gwen. Spoiled ito, pero soft-hearted din. Mabilis itong umiyak, madaling matakot, at mabilis malungkot. Kaya madalas, pinagbibigyan niya si Gwen, pero hindi ang pabor na ito. Ang pabor na ito ay hindi dahil naaawa siya kay Gwen, kundi dahil sa pera lamang.
Kung hindi siya nangailangan ng pera, hindi niya papayagang pumunta rito para magpanggap. Kahit pa iyakan siya ni Gwen o awayin, hindi niya gagawin ito.
"Gwen?" mahinang tawag niya.
Isang hikbi ulit ang pinakawalan ni Gwen bago nagsalita.
"Ang dami-dami kong problema, Kaisha. Hindi ko na a
