Habang kumakain, nakita ni Kaisha na umilaw ang cellphone niya. Hindi niya ito dinadala kahit saan. Madalas ay naiwan lang ito sa kwarto, kaya’t kadalasang naabutan niyang patay na.
Ngunit ngayon, na kaka-charge lang niya, nakita agad niya ang tawag ni Gwen.
"Hello," sagot ni Kaisha sabay baba ng mga kubyertos.
"Hello, Kaisha... Kumusta ka riyan?" medyo mahina ang boses ni Gwen.
"Ayos lang. Ikaw?"
Hindi agad sumagot si Gwen. Para bang may ginawa pa ito o nilayuan bago nagpatuloy. Nagbuntong-hininga muna siya bago nag-reply.
"Tumawag nga pala si Mommy sa matandang senyora riyan."
"A-Ano?" kabado agad si Kaisha.
"Pero ayos lang kasi wala naman ata diyan iyon, 'di ba? Nasa Manila raw. Kinumusta ako ni Mommy sa kanya."
"Anong sagot?"
"Maayos daw. Nagkakaigihan daw kayo, actually," na
