HAPON NA NANG natapos sila roon. Papalubog na ang araw. Gusto ni Kaisha sanang saksihan ang paglubog nito sa burol, lalo na ngayong nag-aaway na ang kahel at dilim, ngunit nagyaya na si Yvvo na bumalik na sila.
Binalikan lang nila ang dinaanan kanina. Nang may narinig si Kaisha na mga yapak ng kabayo, bahagya siyang luminga-linga. Riding horsebacks, lagi niyang naaalala si Xero. At kapag nariyan siya, saan man siya, lagi na lang silang nag-aaway.
Ang tawa ni Peter sa joke na kakasabi lang ay nalunod sa yapak ng mga kabayo. Tumigil sina Yvvo sa harap at bumaling sa kanang bahagi kung nasaan ang tanaw na lupain kanina. Nakaramdam siya ng ginhawa nang mapagtanto niyang hindi si Xero iyon.
"Alis ka, Peter," dinig niyang sabi ng lalaki.
Ipinilit ni Kaisha na tingnan kung sino ito. Kaedad ni
