Ilang mga minuto pang pinagmasdan ni Chanel ang mukha ni LV sa pagitan ng kanilang tahimik na pagkain, makailang beses niya nang sinubukang ibuka ang kanyang bibig upang magtanong na ngunit inuunahan siya palagi ng kanyang hiya at alinlangan. Sa bandang huli ay hindi niya iyon itinutuloy, minabuti na lang niya na sarilinin ang kanyang mga katanungang para sa nobyo. Hihintayin na lang niya na mag-open na ito sa kanya. Nilamon pa sila ng katahimikan, habang banayad na humahampas ang lumalamig na hangin ng mga oras na iyon. Panaka-naka ang pagnguya nila sa pagkaing nasa plato nila. Nagpapakiramdaman kung sino ang unang magsasalita at magbibigay ng kanilang paksa. Sa kanilang panaka-nakang mga titig sa bawat isa ay makikita na may nais silang sabihin, iyon nga lang ay hindi nilang magawang isa
