Malakas na nagpatuloy ang buhos ng ulan sa labas ng nasabing tent, sabayan pa iyon ng madalas na kislap ng kidlat at dagundong ng kulog. Tila mayroong pinagdadaanan ang kanina ay kalmado lang na langit. Lalo pa nitong pinalamig ang panahon at ang ihip ng hangin, ngunit hindi noon nagawang pawiin ang nanlalagkit na pawis na bumabalot sa katawan nilang dalawa ng mga sandaling iyon. Magkatabi na silang nakahiga sa loob ng tent, walang pakialam sa kanilang katawan na kapwa wala pa ‘ring suot ni isang saplot. Parehong hinahabol ang kanilang paghinga pagkatapos na maabot ang pinapangarap nilang rurok ng sukdulan ng gabing iyon. Hindi maitago ang pilyong mga ngiti sa labi ni LV na mayroong satisfaction sa kakaibang hatid sa kanya na ligaya ng pagniniig nilang dalawa. Mababakas sa kanyang mga mata
