Ilang sandali pa ay nakarating at huminto na sila sa Filipino restaurant na sinasabi ng driver sa kanila kanina. Marahan na pumarada ang sasakyan nito sa mismong harapan ng nasabing restaurant. Gustuhin man na kumain ng dalawa doon ay hindi nila ginawa dahil sa labis na crowded ang lugar, at alam nila na ang karamihan na kumakain doon ay mga Pilipinong bakasyunista na kagaya nila o mga local Filipinos na sa bansang iyon na nakatira kagaya na lang ng driver ng sinasakyan nilang taxi. At ang iniiwasan nila sa mga taong naroroon ay ang mayroong makakilala sa kanila at gumawa na naman ng isyu na kahit na wala sila sa Pilipinas ay maaaring kumalat doon. Naisip nila na iba na ngayon ang social media, masyadong powerful na ito na kahit na nasaan ka pa ay kayang-kaya na iparating noon sa lahat ng
