Hinawakan ko ang seradura ng Teacher’s office. Nang buksan ko ang pinto ay bumungad sa akin ang mga bakanteng upuan ng mga teacher maliban sa pinaka dulo. Doon ay natanaw ko si sir Jericho na umiinom ng kape mula sa babasagin niyang baso habang nakatingin sa PC na nasa harap niya.
Nang simulant kong humakbang ay napalingon sa akin si sir nang marinig niya ang yapak ng sapatos ko.
“You’re here,” nakangiti niyang sabi sa akin. Sinuklian ko naman siya ng matamis na ngiti.
“Salamat nga po pala sir,” nakangiti kong sabi sa kaniya.
“Take a seat,” tumayo siya at inilahad ang kaniyang swivel chair sa akin. Saktong pag-upo ko ay kumuha siya ng isa pang swivel chair at inilapit niya iyon sa harap ko, “So, L.A. bakit gusto mo akong makausap?” aniya at humigop ng kape.
“T-tungkol po sa tatay ko…”
