Sa nabasa kong mensahe ni Patricia sa notification bar ng aking cellphone ay tila ba parang dinapuan ako ng ipis. Ang bilis ko kasing nagbuhos ng tubig sa aking katawan upang banlawan ang mga sabon hanggang sa matapos akong maligo.
Nagmadali na akong nagpunas ng tuwalya sa aking basa pang katawan. Pinunasan ko na rin ang buhok ko upang kung magboblower ako ay mas madaling matuyo.
Agad na akong umakyat sa aking kwarto upang pumili ng mga damit na isusuot ko. Balita ko kasi ay may pupuntahan kami ni Pat noong gabing iyon.
Hindi ko alam kung saan pero sumunod na lang ako sa sinasabi niya na magbihis ako ng pang-alis kaya naman nagsapatos pa ako. Nang makapili ako ng susuotin at makapagbihis ay agad na akong bumaba sa aming sala upang doon na lamang hintayin si Patricia.
"Oh, bihis na bih
