Halos hindi ako kibuin ni Lolo mula noong nagpunta si Arvin sa bahay. Kinabukasan na ako nakauwe dahil hindi na muna ako pinauwe ni Arvin. Tinawagan ko na lang ang kapit-bahay namin upang alamin kung ano ang mga nangyayari kila Lola. Sabi naman niya ay tahimik na ang mga ito kaya kahit papaano ay napanatag ako.
Matapos rin ng gabing iyon ay halos araw-araw na napunta si Arvin sa bahay namin. Patuloy niyang nililigawan si Lolo at sinusubukang kuhain ang loob nito. Pero si Lolo, nanatili pa ring matigas. Hindi ko siya masisisi dahil nga sa nangyari sa kay Mama. Pero sana matanggap na rin niya si Arvin. Lalo na ngayon na tinaggap ko ang kasal na inalok sa akin ni Arvin.
Wala akong ibang mahihiling kundi matanggap na ni Lolo ang relasyon naming dalawa.
“Tita, aalis na po ako,” paalam ko k
