Eloisa’s Point of View
Sunod-sunod ang paglunok ang aking ginawa. Muli akong pinagpawisan ng malamig. Hindi ko maalis ang mga titig ko sa babaeng nasa tabi ng pinto. Nakatitig din siya sa akin, lalo na sa aking tiyan.
Tumikhim siya. “G-Gusto sana kitang makausap,” aniya. Napalunok ako at nag-iwas ng tingin. “Don’t worry. Wala akong balak manggulo.”
Bumuntonghininga ako at umayos ng upo, saka dahan-dahang tumango. “S-Sige po,” mahina kong sabi. Halos hindi ko na nga marinig ang boses ko dahil sa sobrang lakas ng pagkabog ng aking dibdib.
Dahan-dahan na naglakad ang babae malapit sa akin. Hindi ko siya nilingon at nanatiling nakatungo. Narinig ko na lang ang paghila niya sa stool at nakita ko ang pag-upo niya roon malapit sa akin.
“Kilala mo na naman ako, hindi ba?” tanong niya m
