Limang oras din akong nakatulog sabi ni Danilo. Tinulungan na nga lang nila ang baby ko na makapag-breastfeed sa akin dahil hindi raw ako magising. Kaya naman ay hinayaan na lang daw akong makatulog para makapagpahinga. Nasa isang malaking silid na ako nang ako ay magising. Si Danilo lamang ang nasa silid na kasama ko dahil umuwe na raw si Sasha at Manang Fe. Bibisita na lang daw ulit si Sasha sa akin sa sunod na mga araw.
“Na saan ang anak ko?” mahinang tanong ko kay Danilo. Nakahiga lang ako at nakapikit pa rin ang mga mata. Napaka bigat pa kasi ng pakiramdam ko. Para akong umakyat ng limang bundok dahil sa labis pagkahapo na aking nararamdaman.
“Nasa nursery pa. Nilinisan pa nila si baby,” tugon ni Danilo. Umupo siya sa tabi ko at naramdaman kong hinaplos niya ang aking pisngi. “Kumu
