Tatlong araw pa kaming nanatili ni Sean sa hospital bago kami na discharge. Marami pa kasing inasikaso roon si Danilo na mga papel namin sa hospital. Nakiusap sa akin si Danilo na siya ang tatayong ama ni Sean sa birth certificate nito. Hindi ko alam kung bakit niya iyon na sabi, pero pinagbigyan ko siya. Wala na rin talaga akong balak ipakilala ang aking anak kay Arvin. Alam kong magiging makasarili ako sa aking naging desisyon. Pero ayoko na talaga magkaroon ng koneksyon pa kay Arvin.
Mula rin noon ay hindi na umuwe sila Lola. Nanatili na sila rito sa Maynila kasama namin. Maging sila Aling marites. Sabi kasi ni Danilo ay kakailanganin ko ng tulong para kay Sean. Na totoo naman dahil nahihirapan pa akong kumilos, idagdag pang masyadong iyakin sa gabi ni Sean. Nahihiya na nga ako kay Dan
