Nang malaman ni Danilo ang tungkol sa pagpunta ni Arvin ay labis itong na galit. Gusto sana niyang puntahan si Arvin at saktan itong muli pero pinakiusapan ko siyang h’wag na. Wala rin naman kaming mapapala kung sasaktan namin si Arvin. Nangyari na ang nangyari. Kakalimutan ko na lamang siya at itutuon ang pansin sa aking anak.
Ayoko ng magpakatanga pa sa taong hindi naman sa akin.
Mula rin noon ay hindi ko na siya nakita pa.
Ika-walong buwan na ng aking pagbubuntis. Nasasabik na akong makita ang aking anak. Sinamahan na ako ni Danilo na mamili ng mga kagamitan niya. Lahat ay binili namin at na gulat pa ako dahil siya ang nagbayad. Ayoko sana ngunit pinilit ako ni Danilo. Wala na akong nagawa noong mag-abot siya ng card sa cashier. Nahihiya na talaga ako sa kanya, tapos hindi ko pa rin
