Pagkatapos namin sa Nero Café ay nagpunta naman kami ni Fabian sa National Museum.
Luma na ang Museum dahil itinayo pa ito noong 1683. Gawa sa kahoy ang haligi na may mga carving. Parang vintage. Malinis at 'di karami ang taong nagpupunta rito.
Sa labas ay malaki itong building ngunit sa loob ay halos wala iyong laman. Kaunti lang ang mga display, hindi gaano ang mga historical item at surviving collections.
"There is a display representing the modern period of Maldives in this floor. And downstairs are the galleries devoted to the ancient and medieval periods," pahayag ng isang lalaking staff na siyang gumigiya sa amin ni Fabian. "Items displayed here are weaponry and religious relics engraved in Arabic and Thaana."
Tumango-tango kami ni Fabian habang sinusundan namin itong naglalakad
