Sabay na pumasok kami ng building. Nagtaka nga ako eh kasi madalas maaga siyang pumapasok. Nakangisi siya sa ’kin na para bang ang saya-saya niya.
“Good morning, my oinky. How’s your sleep? Nakatulog ka ba nang maayos?” tanong niya sa ‘kin.
“Hmm,” tipid kong sagot.
“Hmm?”
“Hmm,” sagot ko. Kumunot naman ang noo niya.
“Nag-breakfast ka na ba?” tanong niya. Tumango naman ako. Breakfast is the most important meal of the day kaya.
“Ako hindi pa,” aniya.
“At bakit?”
“Matitigan lang kita busog na ako,” sagot niya. Tumikwas ang kilay ko at bahagyang tinapik ang tiyan niya.
“Kabagin ka sana sa sobrang corny mo,” asik ko at naunang lumabas ng lift. Sumunod naman siya at ngumisi.
“Gawan mo ‘ko breakfast girlfriend, sige na,” aniya. Napahawak ako sa ulo ko.
“Kung sana kumain ka n
