My Boyfriend's Bestfriend

N I N E T E E N (1/2)

Two days na simula huli kaming nakapag-usap ni Sunny. Nagpunta lang sa swimming, hindi na nagparamdam. Na naman. Nalunod na siguro 'yon kasama 'yung ex niyang malandi.

Pagpasok ko sa opisina, hinatid ako ni Devin. Magaling na rin siya, balik trabaho na. Though nakikita kong tuwing magkasama kami, may mga oras na spaced out siya. Parang may kulang sa kaniya. At hindi ako tanga para hindi maisip na si Sunny 'yon.

Kanina, may pinagkukwentuhan kami habang nasa biyahe. Bigla siyang may naalala na kwentong related do'n na kasama niya si Sunny. Ngumingiti-ngiti pa siya habang nagkukwento tapos no'ng natapos na, natahimik na lang bigla. Hindi ko rin alam kung paano magre-react. Halatang namimiss din niya si Sunny.

"Ms. Alonzo, may bisita po sa lounge."

Tumingin ako kay Jen na kakapasok lang sa opisina ko. "Does the visitor have a name, at least?" sarcastic na sabi ko.

"Ms. Larqueza raw po."

Nanliit bigla ang mga mata ko. "We have a protocol." Tumayo ako para puntahan ang bwisitang sinasabi niya. Tumigil ako sa bandang pinto para magkaharap kami kaso nakayuko siya. "Next time, follow that. You know we don't just accept visitors unless they have scheduled appointments."

Ang totoo, hindi naman ako naiinis sa ginawa ni Jen. Nabunton na lang sa kaniya 'yung inis ko kay Sunny. Ayoko kasi sa ginagawa niya na isang araw, wala siyang ibang gagawin kundi paniwalain akong gusto niya ako sabay mawawala na lang kinabukasan at hindi magpaparamdam. Naulit na naman 'tong ganito. Matapos ang ilang araw, biglang susulpot nang walang warning?

Although mali rin naman ako sa part na 'to dahil ako 'yung committed sa ibang tao, still, ang bilis kong mabilog sa mga salita ni Sunny.

'Ba't mo pa kasi pinapakinggan?!' panunuya ni Aego.

Malamang maririnig ko dahil may mga tainga ako, at hindi dahil sa gusto kong makinig! Grrr!

"Rain!"

Nagulat naman ako na si Ice pala ang nandito. Naka-simpleng jeans siya na white at magkapatong na gray and blue sando. Ang casual tingnan. Tapos gray na flat boots. 'Yung inis ko kanina, napalitan agad ng saya. Ngumiti ako sa kaniya. Ang cool niya talaga magdamit. Ba't ganoon? Hindi rin naman nagparamdam si Ice, in three days, actually. Pero hindi naman ako nakakaramdam ng inis sa kaniya.

'Well, for starters, hindi naman siya 'yung nagpapaasa sa' yong gusto ka niya!' si Aego na naman.

"Hello. Kumusta?" bungad ko nang makalapit sa kaniya.

Tumayo siya sa kinauupuan niya. Hindi ako pumalag no'ng niyakap niya ako. Niyakap ko rin siya. Ang tangkad talaga niya kahit hindi naka-heels. Grabe. Namiss ko 'tong si Ice. Huling kita namin, nagkagulo pa kila Devin.

"I missed you, Rain."

"I missed you, too, Ice." Kumalas kami ng yakap. "Halika, do'n tayo sa opisina ko," yaya ko sa kaniya.

Siguro dahil hindi ko na-experience 'yung magkaroon ng kaibigan kaya everytime na nakikita ko si Ice, nae-excite ako. She's the closest thing I have to a friend. Napaka-warm ng personality para sa isang cool na tao.

"Kumusta swimming niyo? Sabi ni Sunny, magkasama kayo, e," umpisa ko nang makapasok kami.

"Anong swimming?" pagtataka naman niya habang umuupo sa white couch.

Napalingon ako sa kaniya. "Seriously?!"

Nakipag-staring contest muna siya sa 'kin sabay biglang tawa. "You should've seen your face."

Inirapan ko nga. Loko talaga.

"Do'n lang naman kami sa bahay ng Daddy namin. Nag-invite lang, since kumpleto kaming lahat. Kaso umalis naman si Bree, like always. Dami ngang dumating na chicks, e."

"Balita ko nga, mas babaera ka raw kesa sa kapatid mong multo."

Tumawa siya. "Multo?"

Nagpaparamdam lang kasi kung kailan niya gusto!

"Kakasabi ko lang na mas babaera ka. 'Yun na lang ang pansinin mo," pag-iiba ko agad.

"Uy, grabe. Lapitin lang talaga ako pero 'di ko naman sila niloloko, 'no."

Umupo ako sa swivel chair ko. "Nasaan nga pala si Sunny?"

"Ah, 'yun pala 'yung multo." Humiga si Ice sa couch. Grabe, komportableng-komportable si gaga sa opisina ko. "Umalis agad 'yon, e. Bago magdilim no'ng Saturday, umalis na sila ni Kaizer. Hindi ko na sila nakita ulit afterwards "

Hindi ako nakasagot. Sana talaga nalunod na silang dalawa o kaya naligaw sa gubat!

'Hindi pa man nagiging kayo, niloloko ka na niya,' panunumbat pa ni Aego.

As if namang magiging kami! Bwiset siya.

"Sa tingin ko, nagkabalikan na sila."

It doesn't help na sa sobrang honest ni Ice, hindi ko na malaman kung anong mararamdaman ko. Hindi ko gustong mainis kasi technically, hindi ko naman siya gusto at lalong hindi ko siya magugustuhan. Pero bakit ganito? Naiinis ako!

"May gusto ka ba kay Summer?"

Tumaas ang dalawang kilay ko sa tanong ni Ice. Napalunok ako. "A-Ako?"

"May ibang tao pa ba rito na ikaw lang ang nakakakita?" Tumayo siya tapos lumapit sa 'kin. Umupo siya sa bandang gilid ko, sa table. "Oo, ikaw. May gusto ka ba kay Summer?" pag-uulit niya.

Umiling-iling ako. "I'm straight, Ice."

"Wala namang nabuhay na alam agad ang gender preference nila since birth. Magugulat ka, 'yung iba, matanda na bago nila na-figure out na hindi sila straight."

I cross my arms over my chest. "I. Am. Straight," I repeat, with more conviction this time.

Napa-scoff siya. "I knew you'd say that." Nag-cross arms din siya sabay ngisi. "You know, ganiyan na ganiyan 'yung sinabi ko kay Summer kahapon. Sabi niya, may nagugustuhan siyang babae. Ikaw ang unang pumasok sa isip ko. Sabi ko lang, what if she's straight?"

"Anong sabi niya?"

"Hindi mo man lang ba itatanong kung bakit ikaw agad ang naisip ko?"

I squint my eyes at her.

"Okay, okay," she says, still smiling. "Sabi niya, bigyan mo siya ng two weeks. Gagawin ka niyang baluktot."

Natawa ako. "She really is that determined to make me fall."

"Trust me, Rain. I play around a lot with girls. But Summer? She's one heck of a heartbreaker. Hindi man kasing dami ng mga dumaang babae sa buhay ko, but she destroys everyone she touches. Lahat ng iniwan niya, they became emotionally damaged or stupidly obsessed to her."

"I'm not gonna be one of her victims, if that's what you're worried about."

"What if it's not hurting you that she's after? What if by winning your heart, she destroys what's left of Mason, instead?"

"This is too serious for a morning talk, don't you think?" I ask, leaning back.

"Alam mo 'yung genuine emotions ng iba para sa kaniya, pinaglalaruan lang niya. Sa tingin ko, the only time you can be sure of her intentions is when she spends almost 24/7 of her time with you. Tipong hindi lilipas ang thirty minutes na hindi ka niya nakakausap. Kasi kaya niyang gawin 'yon kung gugustuhin niya, e. Ang tanong... where is she now?"

Hindi na naman ako nakasagot. Kaya naman talaga ni Sunny 'yon kaya naiinis ako ngayon. What should I say? She barely even talks to me for three straight days without missing completely for a whole day or more.

"Last time we had a drink, I asked if you were okay. You gave me the same answer you had no'ng una tayong nag-inuman."

Napaiwas ako ng tingin. "I said I was just confused."

"Are you still confused?"

Tumango ako.

"If it makes you feel any better, I think Summer really does like you. But she's my sister and I know too much about her to ask you to be careful. Rain, look at me."

Tumingin ako sa kaniya.

"She likes you, alright. But the kind of affection she has for you is nothing compared to what Mason can offer. Mason loves you, Rain. And I have a bad feeling you're a subject of leverage in between two people caught in their pasts. Na-kwento ko naman na sa 'yo 'yung gap nila dahil kay Bree, 'di ba? And Summer saw her admiration of you as an opportunity to hurt him back. Mabait si Summer, I can tell you that. But after the treatment she received from our sister since she came back and the words Mason used against her, it turned her mad."

"So gagamitin niya ako laban kay Devin? Isn't that too cliche and obvious?"

"Oh, she doesn't have to use you, Rain. If she says she likes you, she really likes you, then. Hindi 'yon dahil sa gusto niyang saktan si Mason. Nagkataon lang na it would be easier that way. If admitting to everyone else that she likes you also means attacking Mason with a great shot, then so be it. Hitting two birds with one stone, ika nga. Pero hindi ka niya aagawin kay Mason just because. She wouldn't just randomly say she likes someone while feeling otherwise. Gusto ka talaga niya and it makes it even more interesting that it would bring up the conflict."

Napabuntong-hininga ako. "What should I do?"

"Perhaps, asking yourself what exactly you feel about Mason and what Summer is to you would be a great start."

May kumawalang tawa mula sa 'kin. "Ni hindi ko maintindihan kung anong nagustuhan ni Sunny sa 'kin."

"Oo nga, e. Ano kayang nakita no'n?"

"Thanks, Ice. You are so honest."

"I'm kidding, alright?" Napa-shrug siya. "You're cute and charming. And Summer has a thing for complicated girls so... You kind of fit the category she prefers."

'Complicated. Hmm.' Naki-cross arms na rin si Aego.

"You really think she likes me?" I ask in confusion.

"Then again, Summer likes a lot of girls, doesn't she?"

Nagtawanan kami. "Para kayong tanga," sabi ko. "Kapag kausap ko siya, ang sinasabi niya, ikaw ang babaera talaga."

"Magkaiba kami. Summer likes a lot of girls. A lot of girls like me. But I'm warning you, if Summer says she gets this girl, she really gets this girl. No matter what costs."

'Actually, Alonzo, konti ka na lang,' singit ni Aego.

"Why are you telling me this?"

She shrugs again. "Because you're my friend. I like you, like how a friend likes a friend. And it would suck if it falls apart or gets compromised just because of my sister and her conflicts of interests with her best friend."

At tama si Ice. Magkaibigan na kami. If anything happens between me and Sunny, siguradong apektado ang friendship namin dahil magkapatid sila. Like Christian and Ren, courtesy of Catherine. O 'wag na tayong lumayo, Sunny and Devin. Friendships and other form of relationships being compromised by the other. At ayokong mangyari 'yon, not now that I have someone to call a friend for the first time.

Magkasama kami ni Ice sa lunch break ko. Sa totoo lang, ang lakas niyang kumain kaya tuwang-tuwa ako sa kaniya. Sa payat niyang 'yan, ang dami niyang nalalagay sa tiyan niya. 'Di gaya ni Sunny na kahit payat, obvious din na hindi masyadong kumakain kaya ganoon ang figure. Ang isang 'to, kakaiba.

'Tigil-tigilan mo kakaisip kay Sunny," sermon ni Aego.

Alam na rin niya palang on going na ang design sa The OZ Boutique na nasa ilalim ng pangalan niya at isa naman sa listahan ng projects ko. Actually, lahat sa LLC nila, hati-hati sa pangalan nilang tatlo. It makes me wonder then...

"Bakit nga pala walang kahit isa sa businesses niyo na nakapangalan kay Bree? If you don't mind."

Pinunasan niya 'yung bibig niya na puro vanilla ice cream. "She doesn't want to get her hands involved in money matters. As an offset, my father named the largest part of Larqueza Rainforest property she loves the most after her."

"So she really has this thing for nature, huh?"

Tumango si Ice. "Actually, sa 'ming magkakapatid, si Bree 'yung righteous, e. Ayaw niya ng gumagawa ng mga maling bagay. That explains why she hates Summer for her gender preference because she thinks that's wrong."

"Ayaw niya sa gumagawa ng mga maling bagay but look at what she's doing now." Hindi ko na napigilan 'yung sarcasm sa boses ko.

"Kaya nga nagtataka ako, e. Naiintindihan ko rin kung bakit hindi makapaniwala si Summer. Bree loved Mason so much, alright. But we knew she wasn't capable of playing so dirty. Something must be wrong."

Tumingin ako sa chocolate ice cream ko. "So... does she know that you're... Uhm... the B in LGBT?" Sabay tingin ko ulit sa kaniya.

Sakto naman na ngumisi siya. "No one in my family officially knows except for Summer. Mason knows it, too, I guess, but he never asked me to confirm it. And I think my parents may have an inkling but they never asked. Then there's Lei who doesn't give a flying fvck."

Tumunog 'yung phone niya bigla.

"Excuse me. I need to take this call."

Tumango lang ako. Gustuhin ko man na maki-chismis, she's speaking in a different language and she seems to be pretty fluent in it. Spanish ata. Tunog Spanish kasi 'yung 'Fins aviat', e.

"Sorry. My Barcelonian of a mother called in for a meeting," sabi niya bigla. "Sama ka na lang. Tara. Para may kasama ako."

"Ayoko nga," tanggi ko agad. "Dalawa lang kayo?"

"Nope. Kapag ganito, the whole family will be there."

Nanlaki ang mga mata ko. Ibig sabihin...

"Even Summer, if that's what you want to ask," tumatawang dagdag niya pa. Mukhang nabasa niya iniisip ko.

"I-I still have work to do. Kayo na lang."

"Rain, maximum of two hours lang 'to. Please?"