“Okay, cut! Good job, everyone!” malakas na anang boses ni Direk Ash.
Walang pagsidlan ang aking tuwa nang matapos ang aming shoot bago pa lumubog ang araw.
“Hey.”
Napalingon ako sa nagmamay-ari ng boses na tumawag sa ‘kin at agad na bumungad ang nakangiting mukha ni Migo Santillan, ang co-actor ko sa shinoot naming commercial ngayon-ngayon lang. Hindi pa siya ganoon kalaki sa mundo ng showbiz pero sa tindig at awra niya pa lang ay alam mong hindi magtatagal at makagagawa rin siya ng sariling pangalan sa industriya. Lalo na’t nasaksihan ko kung gaano siya kagaling sa pag-arte. Hindi lang talent at hitsura ang mayroon siya, maging ang mabuting pag-uugali na talagang makakahakot ng maraming fans.
Nakasuot siya ng puting button down shirt at itim na shorts. Bukas ang tatlong b
