LUIZ’s POV
Ramdam ko ang pagkailang ni Jessica habang nasa tabi niya ako pero gusto ko ang init na nararamdaman ko. Gusto kong maramdaman siya palagi.
Tulad niya, ayaw ko rin naman madaliin pero ang hirap na hindi ako makaramdam ng iba’t ibang emosyon.
Ang makita ang mukha niya habang kumikislap ang mga mata niya ay nagbibigay pag-asa sa akin. Parang hanggang ngayon ay ako pa rin ang crush niya. Ang first crush. Malinaw ang nakasulat sa notebook ni Jelay noon.
Hindi niya alam na bukod sa isinigaw ni Jelay ay kinausap pa ako para pasulatin sa slambook. Wala akong ideya tungkol doon pero pinaliwanag sa akin ni Jelay. College na ako at sila ay elementary pa lang.
Tiningnan ko muna ang mga nakasulat. Kay Jessica ang hinanap ko. Imposibleng wala siyang sulat doon, magkaibigan sila ni Jela
