Ang mapupungay na mga mata ni Lorcan ang nangingibabaw sa kanya, kahit na hindi ko na siya maamoy ay alam kong nakainom siya.
"You're drunk." Sabi ko at bahagyang umatras.
Humalakhak siya ng pagak. "No, I am not, Cadence." Aniya.
Kinakabahan ako. Paano siya nakalusot kay Stan? Natatakot ako sa pwede niyang gawin sa akin. At ano? We're going to talk? About what?
"Si Stan?" Tanong ko, sinilip ko saglit ang likod niya. Hindi pa pumapasok si Stan, where is he?!
Nagkibit balikat si Lorcan, kung titignan ko talaga siya ngayon ay para siyang naka droga. Parang wala siyang buhay!
"You're always looking for him. Why not me?" Ani Lorcan at ngumiti ng nakakaloko. Nang magsimula na siyang humakbang ay lalo akong napaatras!
"Lorcan! Ano ba?" Inis na singhal ko sa kanya.
