[DOCTOR SAVANNAH DESMOND’S P.O.V.]
Ilang araw ko nang hindi nako-contact si Hamza matapos niya akong ihatid sa aming bahay. Sobra na ang pag-aalala ko at hindi ko alam kung ano na ba ang nangyari sa kaniya. Naisip ko na lang na baka may biglaan ulit silang misyon at kailangan niyang umalis, kaya hindi na siya nakapagpaalam sa akin. Ngunit naalala ko na inalis na siya bilang kapitan ng Team Bullet. Ang daming mga bagay na tumatakbo sa isipan ko simula pa noong isang araw at hindi ko mapigilan na matakot para kay Hamza.
Abala rin ako sa ospital, kaya naman ay wala pa akong oras para magpunta sa main operating base o sa military base nila. Gusto ko sana na tanungin kung nasaan ba si Hamza o baka naman naroon siya sa mga lugar na ‘yon. Magiging panatag lang ang loob ko kapag nakita ko na s
