ANG babawing sinasabi ni Miguel kay Ysay ay hindi inasahan ng dalaga. Inakala niyang simpleng pagbawi lamang ang gagawin nito. Pero ng umagang iyon ay tila nawala ang lahat ng agam-agam niya sa katawan. Dahil sa isang sorpresa ni Miguel sa kanya.
Naramdaman ni Ysay ang mumunting paghalik sa kanyang mukha. Mabini lang iyon at padampi-dampi lamang. Napangiti siya dahil masarap sa kanyang pakiramdam ang labing iyon. Para siyang tinutukso o kinikiliti. Narinig pa niya ang boses ng humahalik sa kanya.
“Wake up, love…” mahinang usal niyon.
Pero nanatili siyang nakapikit. Alam niyang nananaginip lang siya at ang nararamdamang humahalik sa kanya ay bunsod lamang iyon ng pagkasabik niya sa taong humahalik sa kanyang panaginip.
Kasunod niyon ay may humaplos sa kanyang katawan. Pamilyar sa kanya
