TAHIMIK sila Miguel at Ysay pagdating sa apartment. Maging nang nasa daan sila ay walang umiimik sa kanila. Ang isip ni Ysay ay blangko pero ang totoo ay marami ang bumabagabag ngayon sa kanya. Ang nangyari sa ospital at sa pagitan nila ni Elise ay hindi niya inaasahan.
Hindi rin niya akalaing magagawa niyang saktan si Elise sa kabila ng kalagayan nito. Kung hindi dumating sila Miguel ay siguradong lumagapak ang malakas niyang sampal sa mukha nito. At ang masama pa ay kung inabutan sila ng mga itong nasampal na niya ang babae. Mas magiging malala iyon dahil talagang nasaktan niya si Elise. Ngayon ay parang ang laki-laki ng ginawa niyang kasalanan kahit wala naman talaga siyang ginawa.
Isa pang iniisip niya ay si Miguel. Hindi niya mabasa kung ano ang naglalaro sa isip ng nobyo ngayon. M
