KINABUKASAN kahit parehong walang maayos na tulog ay bumalik sa ospital sila Ysay at Miguel. Iminungkahi niya sa binatang maiiwan nalang siya pero hindi ito pumayag. Ayaw nitong maiwan siya roon ng mag-isa kung puwede naman siyang sumama. Hindi lang niya masabi sa binata na iba ang pakiramdam niya sa tuwing magkikita sila ni Elise lalo na ng ina nitong parang may lihim na galit sa kanya.
Sa huli ay napilit din siya ng nobyo at ngayon nga ay nasa loob na sila ng silid ni Elise. Tulog ang babae kaya puro anasan lang ang ginagawa nilang dalawa habang nakapuwesto sa mahabang sofa. Sa totoo lang ay hindi niya alam kung ano ang ginagawa nila doon. May mga nurse namang tumitingin sa babae at mukhang alagang-alaga ito. Nariyan din ang mga magulang ni Elise para magbantay dito. At ni sa hinagap a
