NAGISING si Ysay sa isang maliit na silid. Una niyang nakita ang kisame na hindi pamilyar sa kanya. Nagsalubong ang mga kilay niya. Naalala rin niyang umalis siya kanina sa bahay nila para bumili ng mangga. Hindi niya natatandaang bumalik siya para matulog ulit. Saglit niyang binalikan sa kanyang diwa ang nangyari. Naalala niya ang bulaklak na tinititigan niya, ang pag-iyak niya sa parke at ang lalaking nagbigay sa kanya ng panyo ---.
Biglang napabalikwas ng bangon si Ysay. Mabilis niyang iginala ang tingin sa paligid. Nagsalubong ang tingin nila ng isang babaeng sa tingin niya ay nasa edad sisenta pataas. May suot itong lab gown at may stethoscope na nakasabit sa leeg nito. Mukha itong doktor. Tumayo ito ng makitang gising na siya.
“Huwag kang biglang tumayo Ysay. Makakasama sa iyo.” An
