NAKATAYO si Ysay sa harap ng pahabang salamin. Ang salamin ay parte ng isang malaki at mataas na kabinet na gawa sa matibay na kahoy. Ilang minuto palang ang nakakalipas at katatapos nanaman niyang sumuka. Sa pagkakataong iyon ay pinilit niyang pigilan iyon at magmukhang normal hangga't hindi siya nakakarating sa banyo. Ayaw niyang makita siya ng mga kasama sa bahay na sumusuka nanaman. Siguradong paghihinalaan na siya ng mga ito. Mabuti nga at hindi siya kinulit ng intrimitidang kapatid.
Kahapon ang araw na nalaman niyang nagdadalang-tao na siya. Wala naman siyang planong ilihim sa mga magulang at sa kapatid ang kalagayan subalit gusto muna niyang sarilinin ang pagbubuntis. Nang bumuti-buti ang pakiramdam niya kanina ay saglit siyang humiga at tumitig sa kisame. Ilang araw ba siyang maka
