TIYAK ang mga hakbang na tinatalunton ni Miguel ang hallway papunta sa silid na inookupa ni Elise. Nang nasa tapat na siya ng pinto ay saglit siyang huminto. Tumingin siya sa taas at huminga ng malalim. Naramdaman niyang kalmado na siya. And now, he’s ready.
Binuksan niya ang pinto at dire-diretsong pumasok. Nag-uusap si Elise at ang mommy nito ng pumasok si Miguel sa kuwarto ng dalaga. Sabay na napatingin sa kanya ang dalawa at biglang napahinto ang mga ito sa pag-uusap.
“Mig!” tawag sa kanya ni Elise. Napansin niya ang agad na pagliwanag ng mukha nito.
Lumapit siya sa higaan nito.
“Good morning Tita.” Magalang siyang tumango kay Mrs. Elain.
Naramdaman niya ang paghawak ni Elise sa kanyang kamay. “Miguel. Saan ka ba nagpunta? Kagabi pa kita hinihintay. Ano bang nangyayari sa iyo? Pa
